KINAIYAHAN

KINAIYAHAN
                  ni : arneilliloan


Sa mabugnaw nga hangin, ako nagasayaw
Sa duyog, sa panahon ako nagalantaw
Kay ang mga tingog sa ako nagtu-aw
Kay ang mga gangis,mitingog misangyaw


Tungod sa kalipay nga way katagbawan
Kay ang mga dahon ilang kataguan,
Ug maoy  hinungdan, tinubdan sa tanan
Hanging ginihawa sa tawong binuhat


Nga maoy, gisaligan sa pagpanga'g pag-amuma
Niining binuhat, sa gugmang way sama
Ang tubig, ilimnon kinandus sa tubod
Ang adlaw naghatag sa kainit nga makapagod


Apan kining tanan, binuhat nga balaan
Siya nagapudar sa haliging pondasyon
Aron ang  pagsulay, sayon rang sugpuon
Kay  ang kinabuhi dili tantong sayon


Kinahanglag, paningkamot kakugig
Pagsabot, kay ang tawong mag-antos
Sa di madugay ma Santos,
Pangaliyag,  pangamuyo sa paaging  pag- ampo

Kay kung gugma gatubo, kalipay nga dako
 Sa palibot makatabang sa lasang tang pinuy-anan
Kay ang hinlong dalangpanan,dakong gugmang tinubdan
Sa kalipay atong dayongan aron mulambo ang kinaiyahan.

Likayi ang pagbuhat sa dinautang pamaagi
Undangi ang pagpamukan sa kahoy sa kabungturan
Ug ang pag pangayan sa sayop tang na andan
Kay, kong kinaiyahan ang muhukna ning tanan patay tag wa gyuy kadaganan