INAHAN

INAHAN

          ni: arneil liloan

O bahanding binulakan sa sulod, ning akong dughan

Balaan mong ngalan sa dila gibalikbalikan

Sa makusog kaayong lanog, buto nga murag Dalogdog

Tagubtob, lagunog maoy akong nadungog

Ingon ana, imong gugma sa amo gidalit

Kay ang pag-antos,  sa dayog kasakit

Andam mong agian ang tunok sa kapalaran

Kagutom, antuson aron kami mapakaon

Pagkaong, isulod sa baba mong magihatagon

Imbes imong kan-on ang pagkaon sa gidayon

Apan palabihon ang anak mong ama-amahon

Mag sige ug hilak dangoyngoy, way kaon

Ang mga anak mong, litobado kaayo

Kusog magpabadlong, murag palongpalong

Inahan, Kong masinabtanon sa kataas sa panahon

Kami gibubu-an sa gugmang way utlanan

Apan kining tanan na baliwala lang

Ang sermong, balikbalik sa amoa makaulit

Dayon ug tamudmod, maglumbag panlayas 

Uli lang ug kaon,kay gakutoy ang tiyan

Dayon ug pamundak sa kalderong, way sulod

Ug di ma kontento, mag maoy pa gayud

Sayon lang tubagon ang inahang  gaaginud

Sa singot nga gatubod, ug pinas-an sa ubod

Aron ikabaylo sa bugas nga kinilo

Ug sud-ang ginamos, bulad nga tag singko

Grabi ang pag-antos sa anak mong batingulo

Kalaming, panduklon, idukdok ang ulo

Inahan ko pasaylua, kaming imong mga anak

Kong wako nasayop, ikaw gayud nasugamak

Nanag iyag mga anak nga badlongon pa sa tibaghak

Karon ako nagabasol, nagamahay nagahilak

Kay ang mga oras, bililhog way sama

Sa halayo nga distansya, kong hain ako atoa

Kasakit, kaguol way laing masangpit

Ako nagasinggit, sa kamingaw nga hingpit